САВДО СОВУТГИЧ УСКУНАЛАРИДАН ФОЙДАЛАНИШ ҚОИДАЛАРИ

Биз совутгич шкафлар ва витриналарда мос ҳароратни ушлаб туриш ва электр энергияси истеъмолини қисқартиришга ёрдам берувчи айрим тавсияларни йиғишга ҳаракат қилдик.

1. Совутгич ускунаси иситувчи қурилмалардан қанчалик узоқда турса, шунчалик яхши. Улар орасидаги энг қисқа масофа 2 метрни ташкил этиши мумкин холос. Кондиционерлар билан ҳам ёнма-ён қўллаш мумкин эмас. Эшиклар очилиб кетадиган даражадаги кучли елвизак бўлмаслиги қуёш нурлари тўғридан-тўғри тушмаслиги керак. Шунингдек, намлик юқори бўлган хоналарга ўрнатиш тафсия қилинмайди.

2. Савдо залида ҳарорат 250С дан ошмаслиги керак. Ҳарорат кўрсатгичи мазкур рақамдан паст бўлса, қурилма учун яхши шароит бўлади.

3. Ҳар қандай ҳолатда ҳам ускунани техник паспортда белгиланган ҳароратгача совумасдан туриб маҳсулотларни жойламанг.

4. Совутгич агрегатга фақат ички соҳа ҳароратига мос келадиган даражада совуган (музлатилган) маҳсулотларни жойлаштириш керак бўлади. Уларни юза қисмида бир хил жойлаштириш ҳам муҳим.

5. Ҳаво айланиши ва совутиши учун қурилманинг орқа қисмидан бошлаб олди қисмигача маҳсулотларни жойлаштиришда 1 см дан кам бўлмаган оралиқ масофа қолдириш керак. Витрина четигача бўлган масофа бутун чизиқ бўйлаб 40 миллиметрдан кам бўлмаслиги керак.

6. Ёдда тутиш лозимки, панжарали пештахталарни қоғоз ёки шу каби тўлиқ нарса билдан ёпиб қўйиш оқибатида ҳаво айланиши тўхтаб қолади.

7. Қуйидагича ҳолатни пайқадингизми: буғлатгич эритилганидан сўнг қисқа вақт ичида у қалин қор билан қоплангани ҳамда қайта эритмагунингизгача бир нави ишлаб турдими? Сиз ортиқча намлик ҳосил қилаётган манбани йўқ қилишингиз лозим бўлади, бу ҳолатда:

  • Савдо залида ҳаводаги намликни 40-60 фоиз миқдорда ушлаб туринг ва назорат қилинг.
  • Совутгич шкаф, витрина ва бошқалар илиқ маҳсулотларни совутиш учун мўлжалланмаган, шунинг учун уларга фақат совуган маҳсулотларни жойлаштиринг.
  • Эритиш режимини ўрнатиб беришлари учун сервис марказларига мурожаат қилинг.

8. Маҳсулотларни витринага жойлаётганингизда улар белгиланган оғирликдан ошмаслигига эътибор беринг.

9. Тез айнийдиган маҳсулотларни совутмайдиган ойнаванд токчаларга қўйманг. Улар у ерда янади тезроқ айнийди.

10. Витриналардаги намойиш қилиш соҳаларини тўлдириб ташлаш ҳам тафсия қилинмайди, шунингдек, буғлатгич панжаралари ва витринанинг олд ойнасидаги ҳаво ташувчилар бўш қолиши керак. Совутгич пештахта ва бонетларда ҳаво ташувчи каналларни беркитиб қўйиш мумкин эмас.

11. Таир 1211 ва ВХС-УН бурчакли витриналарининг токчаларини маҳсулот сиғимидан ортиқча тўлдириш ярамайди.

12. Агар зарурати бўлмаса, совутгич шкафлар эшигини узоқ вақт очиқ қолдирманг.

13. Эшикни маҳкам ушлаб турувчи резиналар тўлиқ ушлаб туришини назорат қилинг. Агар у бўшашган бўлса, тезда сервис марказига мурожаат қилинг.

14. Совутгич қурилмалардан фойдаланганингизда, уларнинг ҳар бирида ўзига хос хусусиятлари мавжудлигини ёдда тутинг. Фойдаланиш самарадорлиги шунга боғлиқ:

  • Бутун майдонинг турли жойларида ҳарорат хилма-хил бўлади. Бу ерда буғлатгич қайси нуқтада жойлашгани ва ҳаво қай тарзда айланиши муҳим рўл ўйнайди (статик ва динамик совутиш). Контроллерда эса ўртача ҳарорат кўрсатилади.
  • Қурилма компрессори вақти-вақти билан ўчиб туради. Бу дастлаб белгиланган ҳарорат кўрсатигичига эришилганида, кейингилари ҳарорат белгиланганидан ошганида содир бўлади.
  • Иш жараёнида компрессор қандайдир вақт оралиғида ўчиши зарур, бунда буғлатгич эриши керак бўлади. Эритиш жараёни олиб борилганида ҳарорат бироз ошиши мумкин.
  • Бу чекинишга фойдаланиш шартларининг барча талабларига риоя қилинганидаги техник параметрлар меъёрида рухсат берилади.

Фойдаланиш қоидаларига қатъий амал қилинг ва шундагина маҳсулотларингиз янада узоқ вақт ўз хусусиятларини сақлаб қолади, деталлар кам шикастланади, электр истеъмоли қисқаради ва савдо зали доимо шинам бўлади.